Շառլ Ազնավուր. «Այն ինչ առնչվում է Հայաստանին, առնչվում է նաեւ ինձե

ԵՐԵՎԱՆ, 21 ՍԵՊՏԵՄԲԵՐԻ, ԱՐՄԵՆՊՐԵՍ (թղթ. Գայանե Հովակիմյան): «Այն ամենն, ինչ առնչվում է Հայաստանին՝ առնչվում է համայն հայությանը, այդ թվում՝ եւ ինձ: Հայաստանը Հայաստան է անկախության այս 10 տարիներինե, հայտարարեց աշխարհահռչակ երգիչ, Հայաստանի հատուկ դեսպան, մեծ բարերար Շառլ Ազնավուրը՝ «Զվարթնոցե օդանավակայանում՝ երեկ ուշ երեկոյան, տեւական ընդմիջումից հետո, ժամանելով Հայաստան: Նա եկել է մասնակցելու Հայաստանի համար կարեւորագույն երկու տարելիցների՝ քրիստոնեությունը պետական կրոն հռչակման 1700-ամյակի եւ անկախության 10-րդ տարեդարձի տոնակատարություններին: Կհաճախանա՞ն արդյոք մեծանուն հայի այցելությունները Հայաստան հարցին նա պատասխանեց, որ, հայրենիքին ինքն առավել օգտակար է դրսում, իսկ հայ ժողովուրդն իսկապես ունի դրսի օգտակար անձանց կարիքը: Այն, որ Երեւանում հրապարակ է կոչվելու իր անվամբ եւ բացվելու է իր կիսանդրին, Շ.Ազնավուրն իր համար շատ հաճելի համարեց, սակայն «Հայաստանի համար՝ ոչ ամենակարեւոր բանըե: «Մեզ խիստ հետաքրքրում է Հայաստանի ապագան, որը երեխաներն են: Այդ իսկ պատճառով մեզ առաջնահերթ հետքրքրում է դպրոցը եւ երեխաների դաստիարակությունըե,-շեշտեց նա: Անդրադառնալով Ատոմ Էգոյանի ýիլմին, որտեղ ինքը կատարում է գլխավոր դերը, Շ.Ազնավուրն ասաց, որ դա բնական մի պատմություն է, որտեղ շատ պատկերավոր ներկայացվում է Հայոց ցեղասպանությունը: «üիլմը, վստահ եմ, մեծ հետաքրքրություն կառաջացնի, հատակապես սփյուռքահայության մեջ, որվհետեւ նրանք ցեղասպանության մասին առավել հաճախ լսելու կարիք ունեն, քան հայաստանաբնակները. հիմնականում սփյուռքահայությունն է, որ պայքարում է ցեղասպանության ճանաչման համար, իսկ Հայաստանի ժողովուրդը բնական է, որ զբաղվի իր ապագայովե: Շառլ Ազնավուրը Հայաստանում կմնա մեկ շաբաթ: