Արամ Ա կաթողիկոսը Նիկոսիայում հանդիպում է ունեցել Կիպրոսի նախագահի հետ

ՆԻԿՈՍԻԱ, 22 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանում քրիստոնությունը պետական կրոն ընդունելու 1700-ամյակի առթիվ Կիպրոսի թեմի հանդիսությունները նախագահելու համար շաբաթ օրը Նիկոսիա ժամանած Մեծի Տանն Կիլիկիո Արամ Ա կաթողիկոսն այսօր առավոտյան, ընկերակցությամբ թեմի կաթողիկոսական փոխանորդ Վարուժան Եպս. Հերկելյանի եւ ազգային իշխանության ներկայացուցուցիչների, այցելել է նախագահական պալատ, հանդիպել Կիպրոսի Հանրապետության նախագահ Գլավքոս Քլիրիդիսին: Կիլիկիո Աթոռի մամլո դիվանի հաղորդման համաձայն, հանդիպմանը ներկա են եղել նախագահության փոխնախարար Պանտելիս Կուրոսը եւ ազգային փոքրամասնություերի հանձնակատար Մանոլիս Խրիստոýիասը: Վեհափառ Հայրապետը նախագահ Քլիրիդիսին է փոխանցել Լիբանանի Հանրապետութեան նախագահ Էմիլ Լահուդի ողջոյնը: Շուրջ մեկ ժամ շարունակված մտերմիկ զրույցի ընթացքում արծարծվել են Կիպրոսի խնդրին, կիպրահայ համայնքին, Հայաստանի ու Լիբանանի ներկայիս կացությանը վերաբերող հարցեր: Կողմերը կարեւորությամբ ընդգծել են հայ եւ հույն ժողովուրդների դարավոր բարեկամությունը եւ միասնական պայքարը հանուն երկու ժողովուրդների արդար դատի լուծման: Հանդիպման ավարտին Վեհափառ Հայրապետն ու նախագահը առանձնազրույց են ունեցել: Նոյն օրը Արամ Ա կաթողիկոսը հանդիպում է ունեցել նաեւ Կիպրոսի խորհրդարանի նախագահ Դիմիտրիոս Խրիստոýիասի հետ: Վերջինս բարձր է գնահատել կիպրահայ համայնքի ներդրումը երկրի բարգավաճման ու զարգացման ուղղությամբ: