1 րոպեի ընթերցում
ԹԲԻԼԻՍԻ, 18 ԴԵԿՏԵՄԲԵՐԻ, ԱՐՄԵՆՊՐԵՍ: Վրաստանի նախագահ Միխեիլ Սահակաշվիլին դեկտեմբերի 19-21-ը պաշտոնական այցով կգտնվի Թուրքիայում: Այդ մասին հայտնել է Վրաստանի պետդիվանատունը: Այցի ընթացքում Սահակաշվիլին հանդիպում կունենա Թուրքիայի նախագահ Ահմեդ Նեջեթ Սեզերի, վարչապետ Ռեջեփ Թայիփ Էրդողանի, ինչպես նաեւ խորհրդարանի ու կառավարութան ներկայացուցիչների հետ: Վրացական պատվիրակության կազմում են արտաքին գործերի նախարար Գելա Բեժուաշվիլին, էներգետիկայի նախարար Նիկոլոզ Գիլաուրին եւ տնտեսական զարգացման նախարար Գեորգի Արվելաձեն: