Մասիսի բժշկական կենտրոնը նախատեսվում է շահագործման հանձնել հաջորդ տարվա սկզբին

2 րոպեի ընթերցում

Մասիսի բժշկական կենտրոնում այս պահին իրականացվում են հարդարման աշխատանքներ։ Նախատեսվում է մինչև տարեվերջ ավարտել դրանք, ապա կենտրոնը համալրել անհրաժեշտ սարքավորումներով և կահույքով։ Հաջորդ տարվա սկզբից բժշկական կենտրոնը կսկսի գործել։

«Արմենպրես»-ի հաղորդմամբ՝ ԱԺ-ում ՀՀ 2027 թվականի պետական բյուջեի նախագծի քննարկման ժամանակ այս մասին ասել է ՀՀ առողջապահության նախարար Անահիտ Ավանեսյանը։

«Մենք փորձում ենք ամենալավն ապահովել մեր քաղաքացիների համար։ Որակական ցուցանիշների առումով որևէ զիջման չենք գնում, և սա սկզբունք է մեր բոլոր շինարարական ծրագրերի դեպքում։ Մինչև տարվա վերջ ակնկալվում է ավարտել հարդարման աշխատանքները Մասիսի բժշկական կենտրոնում, որից հետո կսկսվեն սարքավորումներով և կահույքով համալրման աշխատանքները։ Տարեսկզբից կսկսենք շահագործումը»,- նշել է նա։

Նախարարի խոսքով՝ Մասիսի բնակիչները երկար են սպասել բժշկական կենտրոնի բացմանը և շուտով հնարավորություն կունենան օգտվելու ժամանակակից, հարմարավետ և բարձրակարգ բուժհաստատությունից։

«Բժշկական կենտրոնում նախատեսվում է նաև նոր ծառայությունների ներդրում։ Մասնավորապես՝ այնտեղ արդեն տեղադրված է մամոգրաֆիկ սարքը։ Կենտրոնը կտրամադրի ինչպես վիրաբուժական, այնպես էլ հետազոտական նոր ծառայություններ՝ ընդլայնելով բնակչությանը մատուցվող բժշկական օգնության շրջանակը»,-հավելել է Ավանեսյանը։

Նախարարը նաև հայտնել է, որ 2027 թվականին առողջապահության ոլորտի կապիտալ բնույթի ծախսերին հատկացվող 12,1 մլրդ դրամով նախատեսվում է կառուցել և վերակառուցել 39 առողջապահական կազմակերպություն և 11 բժշկական կազմակերպություն համալրել նորագույն սարքավորումներով ու գույքով:

Հայերեն

Հայաստանը թակարդից հանել ենք. Փաշինյան

Վարչապետը հարավում սահմանազատումը համարում է ԹՐԻՓՓ-ի իրագործման կարևոր հանգրվաններից մեկը

Վանաձոր համայնքի տիրապետմանն է վերադարձվել Հրանտ Մաթևոսյանի անվան այգու տարածքում գտնվող 18-րդ հողատարածքը

Իսրայելը մտադիր չէ հեռանալ Սիրիայից, Լիբանանից և Գազայից, մինչև սպառնալիքները լիովին չվերանան

Team Group-ը Digitec-ի ռազմավարական գործընկերն է․ խումբը կներկայացնի իր տեխնոլոգիական էկոհամակարգն ու նորարարական լուծումները

Նիկոլ Փաշինյանն ընդունել է Գերմանիայի ԱԳ նախարարի գլխավորած պատվիրակությանը

ՄԻՊ աշխատակազմի ներկայացուցիչները բարձրաձայնել են Հայաստանում հոգեկան առողջության ոլորտի համակարգային խնդիրները

Իրանը հայտնել է Հորմուզի նեղուցի արևելքում ամերիկյան MQ-9 ԱԹՍ խոցելու մասին

Մասիսի բժշկական կենտրոնը նախատեսվում է շահագործման հանձնել հաջորդ տարվա սկզբին

ՀՀ ԿԲ. թանկարժեք մետաղների գներ և փոխարժեքներ -18/11/26