Գյումրիում մեկնարկել են ԵԱՏՄ անդամ պետությունների մաքսային ծառայությունների փորձագիտական խմբի 56-րդ նիստի աշխատանքները

2 րոպեի ընթերցում

Գյումրիում նոյեմբերի 18-ից մեկնարկել են ԵԱՏՄ անդամ պետությունների ծառայությունների միավորված կոլեգիայի 56-րդ նիստի փորձագիտական խմբի աշխատանքները։ «Արմենպրես»-ի փոխանցմամբ՝ այս մասին հայտնում են ՀՀ պետական եկամուտների կոմիտեից՝ մանրամասնելով, որ օրակարգը ներառում է մաքսային կարգավորման հետագա կատարելագործման և իրավակիրառ պրակտիկայի միասնական մոտեցումների ձևավորման տեսանկյունից կարևոր նշանակություն ունեցող արդիական հարցերի լայն շրջանակ։

«Մասնավորապես, նիստում անդրադարձ է կատարվել մաքսային տարանցման մաքսային ընթացակարգի կիրառմանը, տեղեկատվական փոխգործակցությանը, մաքսային ռիսկերի կառավարմանը, ապրանքների դասակարգմանը, ինչպես նաև մի շարք այլ ուղղություններին առնչվող հարցերի»,– նշված է ՊԵԿ-ի տարածած հաղորդագրության մեջ։

Ողջունելով փորձագիտական խմբին՝ ՊԵԿ միջազգային համագործակցության վարչության պետ Սոսե Ստեփանյանն ընդգծել է, որ մասնակիցների բարձր մասնագիտական մակարդակը, կառուցողական մտքերի փոխանակումը և մաքսային ծառայությունների կուտակած փորձը հնարավորություն կտան անցկացնել բովանդակալից քննարկումներ, գտնել փոխընդունելի լուծումներ և սահմանել գործնական մոտեցումներ, որոնք ուղղված կլինեն համագործակցության հետագա զարգացմանն ու մաքսային վարչարարության արդյունավետության բարձրացմանը։

Հայերեն English فارسی Русский

Ազգային ժողով-կառավարություն հարց ու պատասխան․ ՈՒՂԻՂ

Սի Ծինփինը, Թրամփը և Պուտինը կարճ շփում են ունեցել Շենժենում

Երևանի արևելյան մուտքի հատվածում կիրականացվի ծառատունկ

Հայաստան է ժամանել Գերմանիայի ԱԳ նախարարը

Առողջության համընդհանուր ապահովագրության շահառուների թիվը 2027 թվականին կհասնի 2.4 միլիոնի

Գյումրիում մեկնարկել են ԵԱՏՄ անդամ պետությունների մաքսային ծառայությունների փորձագիտական խմբի 56-րդ նիստի աշխատանքները

Եվրոպայում տարածվում է բակտերիա, որը կայուն է գրեթե բոլոր հակաբիոտիկների նկատմամբ

Պուտին-Թրամփ ձեռքսեղմում Ասիա-խաղաղօվկիանոսյան տնտեսական համագործակցության գագաթնաժողովին

Գրոսին ԱԷՄԳ խորհրդին է ներկայացրել Ուկրաինայում և Իրանում միջուկային անվտանգության հետ կապված հարցերը

Սուրեն Պապիկյանն ու Սանջայ Սեթը քննարկել են պաշտպանության ոլորտում Հայաստան-Հնդկաստան համագործակցությանը վերաբերող հարցեր