Դավիթ Թադևոսյանն ընդունել է «Մայքրոչիփ Թեքնոլոջի» ընկերության ներկայացուցիչներին

3 րոպեի ընթերցում

Հայաստանի բարձր տեխնոլոգիական արդյունաբերության և արհեստական բանականության նախարար Դավիթ Թադևոսյանն ընդունել է «Մայքրոչիփ Թեքնոլոջի» ընկերության ներկայացուցիչներին՝ ընկերության FPGA բիզնես ստորաբաժանման կորպորատիվ փոխնախագահ Շաքիլ Փիրայի գլխավորությամբ։

«Արմենպրես»-ի փոխանցմամբ՝ նախարարությունից հայտնում են, որ հանդիպման ընթացքում քննարկվել են ընկերության՝ Հայաստանում գործունեության զարգացմանն ու ընդլայնմանն առնչվող մի շարք հարցեր։

Կողմերն անդրադարձել են նաև ընկերության՝ Գյումրիում, Վանաձորում և Իջևանում գործունեությանը՝ ընդգծելով մարզերում բարձր տեխնոլոգիական ոլորտի զարգացման, մասնագիտական ներուժի ներգրավման և տեղական տեխնոլոգիական էկոհամակարգերի ամրապնդման ուղղությամբ «Մայքրոչիփ Թեքնոլոջիի» ներկայության կարևորությունը։

Կողմերն անդրադարձել են ընկերության՝ 2026 թվականի հունիսին ԱՄՆ առևտրի նախարարության Արդյունաբերության և անվտանգության բյուրոյի (BIS) կողմից Հայաստանում գործունեության համար ստացված արտահանման լիցենզիայի հաստատմանը և դրա հնարավոր ազդեցությանը ընկերության հետագա գործունեության, ներդրումային ծրագրերի և զարգացման հնարավորությունների վրա։

Քննարկվել են նաև «Մայքրոչիփ» ընկերության արտադրանքը Հայաստան ներմուծելու համար անհրաժեշտ պայմանների ապահովման հարցերը։ Այս համատեքստում անդրադարձ է կատարվել նախարարության՝ միջազգային կիսահաղորդչային ընկերությունների և ԱՄՆ կառավարության ներկայացուցիչների հետ ընթացող քննարկումներին՝ արտադրանքի դասակարգված ցանկի ձևավորման ուղղությամբ։

Կողմերը պայմանավորվել են շարունակել աշխատանքը՝ քննարկված ուղղություններով հետագա քայլերի իրականացման և համագործակցության ընդլայնման նպատակով։

«Մայքրոչիփ Թեքնոլոջի» (Microchip Technology Inc.) ամերիկյան կիսահաղորդչային ընկերություն է, որը մշակում և արտադրում է միկրոպրոցեսորներ, FPGA-ներ, անալոգային և էներգիայի կառավարման լուծումներ, ինչպես նաև կապի, հիշողության և այլ ներկառուցված համակարգերի բաղադրիչներ։ Ընկերության տեխնոլոգիաները կիրառվում են արդյունաբերության, ավտոմոբիլային ոլորտի, ավիատիեզերական և պաշտպանական համակարգերի, կապի, հաշվողական տեխնոլոգիաների և այլ ոլորտներում։

Հայերեն English Русский

Բուլղարացի աստղագետը մասնակցել է Երկրի մերձակայքում հազվագյուտ եռակի աստղային համակարգի հայտնաբերմանը. BTA

Ազգային ժողովի նիստը նոյեմբերի 19-ին կշարունակվի մինչև ժամը 20։00-ն

Վահան Կոստանյանն ընդունել է Արգենտինայի Կորդոբա նահանգից ժամանած գործարար պատվիրակությանը

ՀՀ ԿԲ. թանկարժեք մետաղների գներ և փոխարժեքներ -19/11/26

Ասիական ինդեքսները նվազել են - 19/11/26

Վան Գոգի «Ծաղկող շագանակենին» կտավը վաճառվել է ավելի քան 190 մլն դոլարով

Ուիթքոֆն ու Քուշները մասնակցել են եռակողմ գագաթնաժողովին

Գեղարքունիքում իրականացվում են Սևանա լճում արդյունագործական ձկնորսության ժամանակավոր արգելման հետ կապված իրազեկման աշխատանքներ

Հռոմում կայացել են Հայաստան-Իտալիա պաշտպանական խորհրդակցություններ․ ստորագրվել է 2027 թվականի համագործակցության ծրագիրը

Միացյալ Նահանգները ցանկանում է Իրանի հետ հակամարտությունը կարգավորել բացառապես իր առաջարկներով. Էմմա Բեգիջանյան