ՄԱԿ ԳԱ 81-րդ նստաշրջանում Արարատ Միրզոյանը հանդիպում է ունեցել ղազախ գործընկերոջ հետ
1 րոպեի ընթերցում
ՄԱԿ ԳԱ 81-րդ նստաշրջանում ՀՀ արտաքին գործերի և միջազգային առևտրի նախարար Արարատ Միրզոյանը հանդիպում է ունեցել Ղազախստանի արտաքին գործերի նախարար Մուխտար Տլեուբերդիի հետ։
Այդ մասին տեղեկացնում է «Արմենպրես»-ը՝ վկայակոչելով ՀՀ ԱԳՄԱ նախարարության ֆեյսբուքյան գրառումը։
«Նախարար Միրզոյանը շնորհավորել է Մուխտար Տլեուբերդիին պաշտոնը ստանձնելու կապակցությամբ և հաջողություն մաղթել գործունեության մեջ։
Զրուցակիցները քննարկել են Հայաստանի և Ղազախստանի միջև ռազմավարական գործընկերության զարգացման հարցեր: Անդրադարձ է կատարվել տրանսպորտային կապակցվածության զարգացմանը և Արևելք-Արևմուտք նոր տրանսպորտային երթուղիների զարգացման կոնկրետ ծրագրերի: Երկուստեք ընդգծվել է տարածաշրջանային ենթակառուցվածքների զարգացման և բազմամոդալ փոխադրումների ընդլայնման կարևորությունը։ Մտքեր են փոխանակվել երկկողմ առևտրատնտեսական համագործակցության ընդլայնման և առևտրի խթանման շուրջ»,- նշված է հաղորդագրության մեջ:
Գոհունակությամբ ընդգծվել է երկկողմ բարձր մակարդակի շփումների ակտիվ դինամիկան՝ միտված գործընկերության հստակ արդյունքների ապահովմանը: Անդրադարձ է կատարվել Երևանում հոկտեմբերին կայանալիք COP17-ի շրջանակներում փոխգործակցությանը: