Դատախազությունը խախտումներ է հայտնաբերել Վաղարշապատի կինոթատրոնի օտարման գործընթացում

2 րոպեի ընթերցում

Հայաստանի Հանրապետության դատախազությունը խախտումներ է հայտնաբերել Վաղարշապատի Կոմիտասի հրապարակում գտնվող կինոթատրոնի շենքի և դրան կից հողամասի օտարման գործընթացում։ Դատարան է ներկայացվել պետական շահերի պաշտպանության հայց, որն ընդունվել է վարույթ։ «Արմենպրես»-ի հաղորդմամբ՝ այս մասին հաղորդագրություն է տարածել ՀՀ գլխավոր դատախազության հանրային կապերի բաժինը։

Օտարման գործընթացի իրավաչափությունն ուսումնասիրել է Զինվորական կենտրոնական դատախազության պետական շահերի պաշտպանության բաժինը։

Ուսումնասիրության համաձայն՝ Կառավարության 2004 թվականի մարտի 11-ի որոշմամբ, առանց սահմանված կարգով գույքի գնահատման, թույլատրվել է պետական սեփականություն հանդիսացող կինոթատրոնի շենքն ուղղակի վաճառքով օտարել ֆիզիկական անձին՝ 55 հազար ԱՄՆ դոլարին համարժեք դրամով։ Մինչդեռ օտարումից շուրջ երեք ամիս անց, առանց գույքի փաստացի վիճակի փոփոխության, դրա կադաստրային արժեքը կազմել է 218 միլիոն 215 հազար դրամ։

Դատախազությունը պարզել է նաև, որ թեև առուվաճառքի պայմանագրով հողամասի վարձակալության իրավունքի փոխանցում նախատեսված չի եղել, պետական սեփականություն հանդիսացող 0,266 հեկտար հողամասի նկատմամբ գրանցվել է ֆիզիկական անձի վարձակալության իրավունքը։ Հետագայում նա անհատույց սեփականության իրավունք է ձեռք բերել 18 միլիոն 513 հազար դրամ կադաստրային արժեքով այդ հողամասի նկատմամբ։

Նույն տարածքից 1253 քմ հատվածը՝ մայթերն ու անցումները, գտնվել են Հողային օրենսգրքով նախատեսված սահմանափակումների ներքո և օտարման ենթակա չեն եղել։

Առերևույթ հանցանքի հատկանիշներ հայտնաբերելուց հետո դատախազը հաղորդում է ներկայացրել Հակակոռուպցիոն կոմիտե, որտեղ նախաձեռնվել է քրեական վարույթ։ Նախաքննությունը շարունակվում է։

 

Հայերեն

Թրամփը Չինաստանի հետ իր հարաբերություններն անվանել է հիանալի և մեծ հաղթանակ երկու երկրների համար

Ֆրանսիայում թոշակառուները դուրս են եկել փողոց՝ բողոքելու ցածր թոշակների դեմ

Հայաստանը և ԵՄ-ն կարևորել են ընդհանուր ժողովրդավարական արժեքների վրա հիմնված գործընկերության շարունակական ամրապնդումը

Թբիլիսիում տեղի ունեցած պայթյունի հետևանքով զոհերի թիվը հասել է երեքի

ԵՄ-ն ռուսաստանցիների համար չեղարկել է Եվրոպայում ուսանելու «Էրազմուս» կրթաթոշակը

Սաուդյան Արաբիան հաստատում է, որ հութիների հարձակման հետևանքով վնասվել է Էր-Ռիադի ամենաբարձր շենքը

Պորտուգալիայում տներ և փողոցներ են հեղեղվել հորդառատ անձրևների ու սողանքների պատճառով

Ռոբերտ Աբիսողոմոնյանը միջազգային համաժողովում կարևորել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար

ՄԱԿ-ի Արդարադատության միջազգային դատարանը Մյանմարին մեղավոր է ճանաչել ռոհինջաների ցեղասպանության մեջ

Նազելի լիճը լուսավորվել է կապույտ գույնով՝ խորհրդանշելով մաքուր, անվտանգ և առողջ միջավայրում մեծանալու երեխաների իրավունքը