363.44
Նիցցայում մասնագիտական վերապատրաստում անցած 12 բժիշկ վերադարձել է Հայաստան
1 րոպեի ընթերցում
Ֆրանսիայի Նիցցա քաղաքի բժշկական կենտրոններում մասնագիտական վերապատրաստում անցած 12 բժիշկ վերադարձել է Հայաստան։ Ինչպես «Արմենպրես»-ին տեղեկացրին ՀՀ առողջապահության նախարարությունից, նախարար Անահիտ Ավանեսյանը, կարևորելով միջազգային փորձի փոխանակումը և բուժանձնակազմի մասնագիտական կարողությունների շարունակական բարելավման անհրաժեշտությունը, ընդունել է Ֆրանսիայից վերադարձած բժիշկներին՝ նրանցից լսելու ծրագրի և համագործակցության արդյունավետության վերաբերյալ կարծիքները։
Հանդիպմանը ներկա են եղել նաև Լազուրե Ափի Հայկական Ասոցիացիաների համակարգող խորհրդի և «SOS-Armenie Cote d’Azur» ասոցիացիայի ներկայացուցիչները։ Ծրագիրն իրականացվում է ասոցիացիայի և ՀՀ առողջապահության նախարարության համագործակցությամբ։ Հանդիպման ընթացքում քննարկվել են համագործակցության, մասնավորապես՝ ծրագրի ընդլայնման հնարավորությունները։
Նախատեսվում է, որ հետագայում, բացի բժիշկներից, Ֆրանսիայում մասնագիտական վերապատրաստման հնարավորություն կունենան նաև առողջապահության քաղաքականություն մշակողները, առողջապահական համակարգի ղեկավարներն ու մենեջերները։
Բաժանորդագրվեք մեր ալիքին Telegram-ում