Լեհաստանը զորքերով կուժեղացնի Ուկրաինայի հետ սահմանը. ՊՆ

2 րոպեի ընթերցում

Լեհաստանը զորքերով կուժեղացնի Ուկրաինայի հետ սահմանը, հայտարարել է Լեհաստանի ազգային պաշտպանության նախարար Վլադիսլավ Կոսինյակ-Կամիշն Իտալիայի պաշտպանության նախարար Գուիդո Կրոզետոյի հետ կայացած հանդիպումից հետո։ «Արմենպրես»-ի փոխանցմամբ՝ այս մասին հաղորդում է «ՌԻԱ Նովոստի» գործակալությունը։

«Անհրաժեշտ է ուժեղացնել Սահմանապահ ծառայությունը Ուկրաինայի հետ սահմանի հատվածում։ Սահմանապահ զորքերին աջակցություն կտրամադրեն ինչպես ինժեներական, այնպես էլ օպերատիվ ստորաբաժանումները։ Բանակն ավելի մեծ չափով կաջակցի սահմանապահներին, քան մինչև այժմ եղել է», - ասել է Կոսինյակ-Կամիշը։

Դրա հետ մեկտեղ նա հիշեցրել է Բելառուսի հետ սահմանին սահմանապահներին օգնելու նպատակով զորքեր ուղարկելու մասին և հավելել, որ «միգրացիոն ալիքը, որը դիտվել է 2022-2025 թվականներին, 2026-ից ի վեր այնքան էլ ուժեղ չէ»։

2021 թ. կեսերին լեհ-բելառուսական սահմանին կուտակվել էր ԵՄ երկրներ մուտք գործելու հույս ունեցող մի քանի հազար միգրանտ։ Այդ ժամանակվանից ի վեր անօրինական միգրանտները ամեն ամիս փորձում են մուտք գործել Լեհաստան։ Լեհական իշխանությունները խստացրել են սահմանների պահպանությունը, տեղակայել են զինվորականների և կասեցնում են անօրինական միգրանտների կողմից սահմանը հատելու փորձերը՝ Մինսկին մեղադրելով միգրացիոն ճգնաժամի համար։ Բելառուսը հերքում է այդ բոլոր մեղադրանքները՝ հայտարարելով, որ Լեհաստանը բռնի կերպով արտաքսում է միգրանտներին իր տարածք և արհեստականորեն սրում փախստականների հետ կապված իրադրությունը։

Հայերեն Русский

Տելեկոմից մինչև ֆինտեխ, էներգետիկա, լոգիստիկա և ավելին. Team Group-ը Digitec-ում թվային նոր լուծումներ ու հարթակներ է ներկայացնում

Երևանի լողի թիմերը հաղթեցին «ՀՀ վարչապետի գավաթ» դպրոցականների մրցաշարում

Նախարարը հաջողություն է մաղթել դպրոցականների լողի մրցաշարի եզրափակիչ փուլի մասնակիցներին

Հայկ Մարտիրոսյանը «Total Chess World Championship Tour Pilot 2026»-ում զբաղեցրել է 9-րդ հորիզոնականը

ԱրարատԲանկը տեղաբաշխելու է «Ֆարմ Կրեդիտ Արմենիայի»՝ Հայաստանում առաջին սոցիալական պարտատոմսերը

Աբովյան համայնքին է վերադարձվել Հատիս փողոցում գտնվող հողամասը. Գլխավոր դատախազություն

3,79 միլիարդ դոլար՝ մեկ օրում. GTA VI-ը ռեկորդ է սահմանել տեսախաղերի պատմության մեջ

Շիրակի մարզում մեկնարկել է կարկտահարությունից տուժած բնակիչներին և տնտեսություններին մասնակի փոխհատուցման տրամադրման գործընթացը

Եվրոպական ինդեքսները նվազել են - 20/11/26

Ամերիկյան ինդեքսները նվազել են - 20/11/26