1 րոպեի ընթերցում
Ներքին գործերի նախարարության 112 օպերատիվ կառավարման կենտրոն սեպտեմբերի 12-ին՝ ժամը 15։21-ին, ահազանգ է ստացվել, որ Երևան քաղաքի Մոլդովական փողոցում՝ ուսումնական հաստատություններից մեկի ետնամասում, այրվում է խոտածածկույթ․ առկա է տարածման վտանգ։ «Արմենպրես»-ի փոխանցմամբ՝ այդ մասին հաղորդագրություն է տարածել ՀՀ ՆԳՆ փրկարար ծառայությունը։
Դեպքի վայր են մեկնել ՆԳՆ ՓԾ Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ, Հրդեհաշիջման և փրկարարական աշխատանքների կազմակերպման բաժնի հերթապահ խումբը։
Հրշեջ-փրկարարների օպերատիվ գործողությունների արդյունքում հրդեհը մարվել է ժամը 16։53-ին։
Հրշեջ-փրկարարները կանխել են կրակի տարածումը։