363.89
Մարտունիի երաժշտական դպրոցում դուդուկահար Գևորգ Դաբաղյանի մասնակցությամբ անցկացվել է վարպետության դաս
1 րոպեի ընթերցում
Գեղարքունիքի մարզի Մարտունի քաղաքի երաժշտական դպրոցում սեպտեմբերի 10-ին հյուրընկալվել է վաստակավոր դուդուկահար Գևորգ Դաբաղյանը։
Ինչպես «Արմենպրես»-ին տեղեկացրին Մարտունիի համայնքապետարանի աշխատակազմից, այցի շրջանակներում երաժշտագետը վարպետաց դաս է անցկացրել դպրոցի ժողովրդական գործիքների բաժնի դուդուկի դասարանի աշակերտների հետ, որին մասնակցել են նաև դասատուները։
Հանդիպումն անցել է ջերմ մթնոլորտում, որի ընթացքում մասնակիցները ստացել են արժեքավոր խորհուրդներ, ինչպես նաև նվագելու և դասավանդելու նոր հմտություններ։
Գևորգ Դաբաղյանն իր նախաձեռնությամբ և մակագրությամբ դպրոցին է նվիրել դուդուկի ձեռնարկ-գիրք։
Բացի այդ, վարպետը դուդուկի բաժնի ուսուցիչներին և աշակերտներին հրավիրել է Երևան՝ ներկա գտնվելու Երևանի պետական կոնսերվատորիայում և Չայկովսկու անվան երաժշտական դպրոցում անցկացվող իր դասաժամերին։
Երաժիշտը խոստացել է առաջիկայում կրկին այցելել Մարտունի համայնք և փոխանցել նոր հմտություններ ու մասնագիտական խորհուրդներ։
Բաժանորդագրվեք մեր ալիքին Telegram-ում