Զարուհի Բաթոյանն ընտրվեց ԱԺ առողջապահության հարցերի մշտական հանձնաժողովի նախագահի տեղակալ

Հայաստանի Ազգային ժողովի «Քաղաքացիական պայմանագիր» խմբակցության պատգամավոր Զարուհի Բաթոյանն ընտրվել է ԱԺ առողջապահության հարցերի մշտական հանձնաժողովի նախագահի տեղակալ։

«Արմենպրես»-ի հաղորդմամբ՝ Զարուհի Բաթոյանը հանձնաժողովի նիստի ընթացքում շնորհակալություն հայտնեց գործընկերներին իր թեկնածությունն առաջադրելու համար և ներկայացրեց հանձնաժողովի առաջիկա աշխատանքների վերաբերյալ իր տեսլականը:

ԱԺ առողջապահության հարցերի մշտական հանձնաժողովի նախագահը «Քաղաքացիական պայմանագիր» խմբակցության պատգամավոր Լուսինե Բադալյանն է։