Իրանի ԱԳ նախարարությունը մեղադրել է ԱՄՆ-ին Հորմուզի նեղուցի շուրջ իրավիճակի ապակայունացման համար
2 րոպեի ընթերցում
Իրանի ԱԳՆ խոսնակ Էսմայիլ Բաղային Միացյալ Նահանգներին է մեղադրել Հորմուզի նեղուցի շուրջ ստեղծված իրավիճակի ու ամբողջ աշխարհում դրա հետևանքների պատասխանատվության համար։ Ինչպես հաղորդում է «Արմենպրես»-ը, X սոցիալական հարթակում արված գրառման մեջ Բաղային մասնավորապես նշել է․ «Հորմուզի նեղուցը մինչև փետրվարի 28-ը լիովին բաց էր, երբ ԱՄՆ-ն Իսրայելի հետ հարձակվեց Իրանի վրա։ Վաշինգտոնը տարածաշրջանում սկսեց անօրինական և դաժան պատերազմ, ինչի հետևանքով խաթարվեց առևտրային նավարկության բնականոն ընթացքը․ նավթատարները կանգ են առել, առևտուրը խափանվել է, իսկ էներգակիրների գներն աճում են։
ԱՄՆ-ն այժմ փորձում է աշխարհին ներկայացնել իր իսկ ստեղծած իրավիճակի «հաշիվը»՝ դրա պատասխանատվությունը վերագրելով Իրանին։ Վաշինգտոնի ներկայացմամբ՝ ԱՄՆ-ի սկսած պատերազմը ինչ-որ կերպ պետք է ներկայացվի որպես Իրանի վարքագծի հետևանքով աշխարհի համար առաջացած ծախս։
Ամերիկան սկսեց պատերազմը, բայց ակնկալում է, որ ամբողջ աշխարհը վճարի դրա հաշիվը՝ միաժամանակ Իրանին ներկայացնելով որպես այս քաոսի պատճառ։ Դա բացարձակապես անհեթեթ է»,- գրել է Բաղային։
The Strait of #Hormuz was wide open until 28 February, when the #USrael attacked Iran. Washington unleashed an unlawful and savage war on the region and disrupted the normal flow of commercial shipping; tankers are halted, trade is disrupted, and energy prices are rising.
— Esmaeil Baqaei (@IRIMFA_SPOX) September 6, 2026
The US… pic.twitter.com/ll5oHCQoEv