1 րոպեի ընթերցում
Հայաստանի կառավարությունը շատ մոտ է նախընտրական իր խոստումներից մեկը կատարելուն, այն է՝ ծայրահեղ աղքատությանը վերջ դնելուն։
«Արմենպրես»-ի հաղորդմամբ՝ այս մասին Հայաստանի վարչապետ Նիկոլ Փաշինյանն ասաց Ազգային ժողովում կառավարության 2026-2031 թվականների ծրագրի քննարկումների ժամանակ՝ անդրադառնալով Հայաստանում աղքատության ցուցանիշին և դրա նվազեցման ուղղությամբ հետագա քայլերին։
«Մենք, ըստ էության, շատ մոտ ենք մեր նախընտրական խոստումներից մեկը կատարելուն, այն է՝ ծայրահեղ աղքատությանը վերջ դնելուն։ Մեծ է հավանականությունը, որ մենք այդ խնդիրը կատարել ենք։ Մենք դրա մասին կիմանանք, այդ թվում՝ միջազգային կազմակերպությունների կողմից թարմ հետազոտությունների արդյունքում։ Ես հույս ունեմ, որ այդ հետազոտություններն իմ այս խոսքերը կհիմնավորեն, բայց այն, որ մենք ընդհուպ մոտեցել ենք դրան, ես ոչ մի կասկած չունեմ»,-նշեց Փաշինյանը։