Կասեցվել է «Ֆրութ Եվա» ապրանքանիշի զովացուցիչ ըմպելիքների արտադրամասի գործունեությունը

2 րոպեի ընթերցում

Սննդամթերքի անվտանգության տեսչական մարմինը կասեցրել է Արարատի մարզի Նոր Կյանք գյուղում գործող՝ անհատ ձեռնարկատեր Արման Ղանդիլյանին պատկանող «Ֆրութ Եվա» ապրանքանիշի զովացուցիչ ըմպելիքների արտադրամասի արտադրական գործունեությունը։

«Արմենպրես»-ի փոխանցմամբ՝ տեսչական ստուգման ընթացքում արտադրամասում հայտնաբերվել են օրենսդրությամբ սահմանված սանիտարահիգիենիկ պահանջների մի շարք խախտումներ։

Մասնավորապես, արտադրական տարածքների նախագծումը, կառուցվածքն ու դասավորվածությունը չեն ապահովել սարքավորումների պատշաճ սպասարկման և վերանորոգման, ինչպես նաև տարածքների մաքրման ու ախտահանման անհրաժեշտ պայմանները։ Չեն կանխարգելվել կենդանիների, կրծողների և միջատների ներթափանցումը, ինչպես նաև չեն բացառվել պարենային հումքի և սննդամթերքի, աղտոտված ու մաքուր գույքի խաչաձև հոսքերը։

Խախտումներ են արձանագրվել նաև հատակների, պատերի, առաստաղների և դռների նկատմամբ սահմանված հիգիենիկ պահանջների պահպանման հարցում։ Սննդամթերքի հետ անմիջական շփման մեջ գտնվող սարքավորումները, գործիքները, պարագաներն ու բեռնարկղերը չեն համապատասխանել հիգիենիկ պահանջներին և չեն գտնվել պատշաճ վիճակում։

Բացի այդ, արտադրամասը չի ունեցել անձնակազմի համար նախատեսված սանհանգույց և հանդերձարան։

Տեսչական մարմինը հայտնաբերված խախտումները վերացնելու համար սահմանել է ժամկետ։

Հայերեն

Հայտնաբերվել է զինծառայողի դի՝ հրազենային վնասվածքով. ՊՆ

Սեդա Ղուկասյանը նշանակվել է Կենտրոնական բանկի հասարակայնության հետ կապերի բաժնի պետ

Պերուն արտակարգ դրություն է հայտարարել վառելիքի պակասի սպառնալիքի պատճառով

Նոր Սահմանադրության ընդունումից հետո խաղաղության համաձայնագրի ստորագրման և վավերացման երաշխիքներ կան․ Փաշինյան

ԱՄՆ-ում Իրանին մեղադրել են երկրի կարևորագույն ենթակառուցվածքների դեմ կիբերհարձակումներ իրականացնելու մեջ

Վարչապետը պարզաբանել է, թե ինչու Հայաստանը չի միացել Դուբլինի հռչակագրին

Պուտինը և Թրամփը կհանդիպեն Ասիա-խաղաղօվկիանոսյան տնտեսական համագործակցության գագաթնաժողովի լիագումար նիստից հետո

Վարչապետը նոր Սահմանադրության օրակարգն առաջ մղելու երկու ճանապարհ է ներկայացրել

Երևանում տներից մեկում բռնկված հրդեհը մարվել է․ հրշեջ-փրկարարները կանխել են կրակի տարածումը հարակից տներ

ԱԳՄԱ նախարարը գերիների հարցի լուծումը կապել է խաղաղության համաձայնագրի ստորագրման և համագործակցության հետ