1 րոպեի ընթերցում
Եմենի «Անսար Ալլահ» շարժումը (հութիներ) Կարմիր ծովում՝ Մոխա նավահանգստային քաղաքի ափերի մոտ, բալիստիկ հրթիռներով գրոհել է սաուդյան դեսանտային ռազմանավի և նրան ուղեկցող չորս նավակի վրա: «Արմենպրես»-ի փոխանցմամբ՝ այս մասին հաղորդում է «ՌԻԱ Նովոստի» գործակալությունը՝ վկայակոչելով շարժման ռազմական ներկայացուցիչ Յահյա Սարիին։
«Եմենի զինված ուժերը բալիստիկ հրթիռներով սաուդյան հակառակորդի դեսանտային ռազմանավին և նրան ուղեկցող չորս ռազմական նավակին մի քանի հարված են հասցրել Կարմիր ծովում՝ Մոխայի ափերի մոտ», - ասել է Սարին։
Հայտարարության համաձայն՝ դրա հետևանքով դեսանտային նավն ամբողջությամբ այրվել է, իսկ նավակների մի մասը՝ խորտակվել։
2014 թվականի օգոստոսից Եմենում շարունակվում է Սաուդյան Արաբիայի կողմից աջակցվող կառավարական ուժերի և Իրանի աջակցությունը վայելող հութիների միջև հակամարտությունը։ 2026 թվականի ամռանը երկրում իրավիճակը կրկին սրվել է։ Հութիները մի շարք հարվածներ են հասցրել Սաուդյան Արաբիային և նրա հետ կապված նավերին՝ դա բացատրելով թագավորության կողմից իրենց վերահսկողության տակ գտնվող տարածքների շրջափակմամբ։