Նարեկ Կարապետյանը Հայաստանի տնտեսական մոդելի արմատական փոփոխության անհրաժեշտություն է տեսնում

2 րոպեի ընթերցում

«Ուժեղ Հայաստան» խմբակցության ղեկավար Նարեկ Կարապետյանը Հայաստանի տնտեսական մոդելի արմատական փոփոխության անհրաժեշտություն է տեսնում՝ պնդելով, որ արձանագրվող տնտեսական աճը որակական փոփոխությունների չի հանգեցրել։

«Արմենպրես»-ի հաղորդմամբ՝ Կարապետյանն այս մասին ասաց Ազգային ժողովում տնտեսական հարցերի մշտական հանձնաժողովի նախագահի պաշտոնում Բաբկեն Թունյանի թեկնածության հարցի քննարկման ժամանակ։

«Մեր երկրում աղքատությունը 600 հազար մարդու դռանն է կանգնած։ Վերջին ութ տարվա ընթացքում՝ մինչև 2024 թվականը, աղքատության ցուցանիշը նվազել է ընդամենը 2-3 տոկոսով, այն դեպքում, երբ երկիրը 7-8 միլիարդ դոլարի նոր վարկ է ներգրավել»,- ասաց Կարապետյանը։

Նա պնդեց, որ վերջին տարիներին արձանագրված շուրջ 5 տրիլիոն դրամ ՀՆԱ-ի աճի զգալի մասը համընկել է պետական պարտքի և քաղաքացիների վարկային պարտավորությունների ավելացման հետ։

«Մոտավորապես ամբողջ տնտեսական աճը՝ 5 տրիլիոն դրամից շուրջ 2,5 տրիլիոնը, ժողովրդի վերցրած վարկերն են, շուրջ 2,4 տրիլիոնը՝ պետության վերցրած վարկերը։ Որակական փոփոխություն մեր տնտեսության մեջ, ցավոք, չկա»,- հայտարարեց խմբակցության ղեկավարը։

Կարապետյանն անդրադարձավ նաև գյուղատնտեսության վիճակին՝ նշելով, որ, ըստ պաշտոնական վիճակագրության, 2026 թվականի առաջին կիսամյակում ոլորտում անկում է գրանցվել։

«Տնտեսական մոդելի արմատական փոփոխություն է պետք։ Այս մոդելով մենք Լիբանանի օրն ենք ընկնելու»,- ասաց նա՝ զգուշացնելով, որ պետական պարտքի ավելացումը և ժամանակավոր արտաքին գործոններից կախվածությունը երկարաժամկետ ռիսկեր են ստեղծում։

Կարապետյանի խոսքով՝ Հայաստանի տնտեսության ակտիվությանը  ներկայում նպաստում են պղնձի բարձր գինը և ռուս-ուկրաինական պատերազմի հետևանքով այլ երկրներից ստացվող ֆինանսական հոսքերը, սակայն երկու գործոնն էլ ժամանակավոր բնույթ ունեն։

Հայերեն English Español

ԱրարատԲանկը տեղաբաշխելու է «Ֆարմ Կրեդիտ Արմենիայի»՝ Հայաստանում առաջին սոցիալական պարտատոմսերը

Աբովյան համայնքին է վերադարձվել Հատիս փողոցում գտնվող հողամասը. Գլխավոր դատախազություն

3,79 միլիարդ դոլար՝ մեկ օրում. GTA VI-ը ռեկորդ է սահմանել տեսախաղերի պատմության մեջ

Շիրակի մարզում մեկնարկել է կարկտահարությունից տուժած բնակիչներին և տնտեսություններին մասնակի փոխհատուցման տրամադրման գործընթացը

Եվրոպական ինդեքսները նվազել են - 20/11/26

Ամերիկյան ինդեքսները նվազել են - 20/11/26

NYMEX. Թանկարժեք մետաղների գները նվազել են - 20/11/26

Նավթի գները նվազել են - 20/11/26

ՀՀ ՆԳ նախարարի տեղակալը հանդիպել է Միգրացիայի քաղաքականության մշակման միջազգային կենտրոնի գլխավոր տնօրենի տեղակալի հետ

ՀՀ ԱԳՄԱՆ գլխավոր քարտուղարը Բուխարեստում մասնակցել է «Կապակցվածություն և ուժ. մրցակցություն ռազմավարական կախվածությունների միջոցով» խորագրով պանելային քննարկմանը