Ավելի քան 2000 մարդ է տարհանվել Գերմանիայի արևմուտքում անտառային հրդեհների պատճառով

Գերմանիայի արևմուտքում բռնկված անտառային հրդեհները հանգեցրել են ավելի քան 2000 մարդու տարհանման: «Արմենպրես»-ի փոխանցմամբ՝ այս մասին հաղորդում է EFE գործակալությունը:

Հրդեհները մոլեգնում են Բելգիայի հետ սահմանից ոչ հեռու գտնվող Այֆելի տարածաշրջանում։

Հրշեջներն օգոստոսի 14-ին բռնկման երեք օջախ են գրանցել, որոնցից երկուսը ներկա դրությամբ վերահսկողության տակ են։ Հրդեհաշիջման աշխատանքներին մասնակցում են հարյուրավոր հրշեջներ։

Այս ամառ մի քանի եվրոպական երկրում անոմալ շոգի ֆոնին բռնկվել են խոշոր անտառային հրդեհներ: Առավել շատ տուժել են Ֆրանսիան և Իսպանիան։