Միացյալ Նահանգները պատրաստակամություն է հայտնել զարգացնել համագործակցությունը Ղազախստանի հետ
2 րոպեի ընթերցում
Ղազախստանի արտաքին գործերի նախարար Երմեկ Կոշերբաևը հանդիպել է ԱՄՆ պետքարտուղարի Հարավային և Կենտրոնական Ասիայի հարցերով օգնական Փոլ Կապուրի հետ։
Ինչպես հաղորդում է «Արմենպրես»-ը՝ վկայակոչելով ՏԱՍՍ գործակալությունը, Ղազախստանի արտաքին գործերի նախարարությունից հայտնել են, որ հանդիպման ընթացքում ամերիկյան կողմը հաստատել է իր հետաքրքրությունը Ղազախստանի հետ համագործակցության հետագա ամրապնդման հարցում։
«Հատուկ ուշադրություն է դարձվել Ղազախստանի նախագահ Կասիմ-Ժոմարտ Տոկաևի նախաձեռնությանը՝ ստեղծելու Միջազգային ջրային կազմակերպությունը որպես ՄԱԿ-ի մասնագիտացված գործակալություն», - ասվում է հայտարարության մեջ։
Հանդիպմանը քննարկվել են 2026 թվականի վերջին Մայամիում կայանալիք G20 գագաթնաժողովի նախապատրաստական աշխատանքները, որին Տոկաևը նախատեսում է մասնակցել ԱՄՆ նախագահ Դոնալդ Թրամփի հրավերով։
Հուլիսին Տոկաևը Աստանայում հանդիպել է ԱՄՆ սենատոր Սթիվ Դեյնսի հետ և հայտարարել գագաթնաժողովին մասնակցելու իր մտադրության մասին։ Մինչ այդ՝ հունիսին, Տոկաևը գագաթնաժողովին իր մասնակցության հարցը քննարկել էր Հարավային և Կենտրոնական Ասիայի հարցերով ԱՄՆ նախագահի հատուկ դեսպանորդ Սերջիո Գորի հետ։ Մամուլի ծառայությունը Կոշերբաևի և Կապուրի միջև բանակցությունների վերաբերյալ լրացուցիչ մանրամասներ չի տրամադրել։