1 րոպեի ընթերցում
Հոդվածը հրապարակվում է «Արմենպրես»-ի և BTA-ի միջև ստորագրված համաձայնագրի շրջանակում։
Տասնյոթամյա բուլղարուհի Վիկտորյա Անգելովան դարձել է աշխարհի չեմպիոն ԱՄՆ-ի Օրեգոնի նահանգի Յուջին քաղաքում անցկացված մինչև 20 տարեկանների եռացատկի աշխարհի առաջնությունում։ «Արմենպրես»-ի փոխանցմամբ՝ այս մասին հաղորդում է Բուլղարիայի ազգային լրատվական գործակալությունը (BTA)։
Անգելովան ցատկել է 13,91 մետր՝ 1,9 մ/վրկ արագությամբ քամու պայմաններում՝ նվաճելով ոսկե մեդալը։
Ռումինացի Դարյա Վանչանուն զբաղեցրել է երկրորդ տեղը՝ 13,70 մետր, իսկ իսպանացի Անա Էստրելյա դե Լեոնը նվաճել է բրոնզե մեդալ՝ 13,58 մետր ցուցանիշով։
Հուլիսի 19-ին Անգելովան նաև նվաճել է Իտալիայի Ռիետի քաղաքում անցկացված մինչև 18 տարեկանների Եվրոպայի չեմպիոնի տիտղոսը՝ գրանցելով 13,98 մետր արդյունք։
Անգելովայի ոսկե մեդալով Բուլղարիան ընդգրկվում է առաջնությունում լավագույն 15 երկրների շարքում։