Փրկարարները և ոստիկանները Սևանա լճի հանրային լողափերից մեկում գտել են կորած երեխային

Գեղարքունիքի մարզային օպերատիվ կառավարման կենտրոն օգոստոսի 2-ին, ժամը 14:35-ին տեղեկություն է ստացվել, որ Սևանա լճի հանրային լողափերից մեկում երեխա է կորել։

«Արմենպրես»-ի փոխանցմամբ՝ այս մասին հաղորդագրություն է տարածել ՀՀ ներքին գործերի նախարարության փրկարար ծառայությունը։ 

Փրկարարների և ոստիկանների համատեղ որոնողական աշխատանքների արդյունքում երեխան կարճ ժամանակահատվածում անվնաս գտնվել և վերադարձվել է ծնողներին։