Նեթանյահուն մեկնում է ԱՄՆ․ նախատեսվում է հանդիպում Թրամփի հետ

Իսրայելի վարչապետ Բենիամին Նեթանյահուն հուլիսի 27-ին մեկնում է Վաշինգտոն։ «Արմենպրես»-ի փոխանցմամբ՝ այս մասին The Times of Israel-ին հայտնել է նրա գրասենյակը։

Ակնկալվում է, որ նա հուլիսի 28-ին Սպիտակ տանը կհանդիպի ԱՄՆ նախագահ Դոնալդ Թրամփի հետ և կմասնակցի սենատոր Լինդսի Գրեմի հուղարկավորության արարողությանը։ Հուլիսի 30-ին նա կվերադառնա Իսրայել։

Տեղեկությունների համաձայն՝ Նեթանյահուն Վաշինգտոնում կքննարկի «Իսրայելի և ԱՄՆ-ի համար փոխադարձ հետաքրքրություն ներկայացնող հարցեր»։

BBC-ի փոխանցմամբ՝ ավելի վաղ Իսրայելի վարչապետը հայտարարել էր, նախատեսում է մասնակցել այս տարվա աշնանը Նյու Յորքում կայանալիք ՄԱԿ-ի Գլխավոր ասամբլեային՝ չնայած Նյու Յորքի քաղաքապետ Զոհրան Մամդանիի կողմից իր ձերբակալման կոչերին։

Նախորդ շաբաթ Մամդանին Նեթանյահուին անվանել է «ռազմական հանցագործ» և կոչ է արել ԱՄՆ կառավարությանը կիրառել Միջազգային քրեական դատարանի կողմից նրա ձերբակալման հրամանը, եթե նա մուտք գործի երկիր։

Այնուհետև Մամդանին ընդունել է, որ իրավական լիազորություններ չունի Նեթանյահուին ձերբակալելու համար։

Միջազգային քրեական դատարանը 2024 թ. նոյեմբերին ձերբակալման հրամաններ էր տվել Նեթանյահուի և Իսրայելի նախկին պաշտպանության նախարար Յոավ Գալանտի համար՝ Գազայի հատվածում ռազմական հանցագործությունների մեղադրանքներով։