1 րոպեի ընթերցում
Գեղարքունիքի մարզի Սևան քաղաքի Վլադիմիր Կարապետյանի անվան թիվ 3 հիմնական դպրոցը կունենա նորակառույց, արդի չափորոշիչներին համապատասխան շենք։
Ինչպես «Արմենպրես»-ին տեղեկացրին Սևանի համայնքապետարանի աշխատակազմից,
հուլիսի 23-ին Սևանի Վլ․ Կարապետյանի անվան թիվ 3 հիմնական դպրոցում տեղի է ունեցել դպրոցի 1000 աշակերտի համար նախատեսվող նոր՝ եռահարկ շենքի կառուցման նպատակով նախագծի տեղակայման՝ շրջակա միջավայրի վրա ազդեցության գնահատման և փորձաքննության հանրային առաջին լսումը:
Այն նախաձեռնվել է «Եռանկյունի Պրոջեքտ» ՍՊԸ-ի կողմից՝ Համաձայն «Շրջակա միջավայրի վրա ազդեցության գնահատման և փորձաքննության մասին» ՀՀ օրենքի և ՀՀ կառավարության համապատասխան որոշման։
Հանրային լսմանը ներկա են եղել մարզային և համայնքային իշխանությունների ներկայացուցիչներ, դպրոցի տնօրինությունը, աշխատակիցները, ինչպես նաև Սևանի շահագրգիռ հանրության ներկայացուցիչներ։
Դպրոցի նոր շենքի կառուցման համար առաջիկայում նախատեսվում է անցկացնել մի քանի հանրային լսումներ ևս։
Խոսրով Խլղաթյան