1 րոպեի ընթերցում
Ռուսաստանի արտաքին գործերի նախարար Սերգեյ Լավրովը և Չինաստանի նրա պաշտոնակից Վան Ին Ղրղզստանում Շանհայի համագործակցության կազմակերպության (ՇՀԿ) արտաքին գործերի նախարարների խորհրդի նիստի շրջանակում կայացած հանդիպմանը քննարկել են Վաշինգտոնի հետ հարաբերությունները և ուկրաինական հակամարտության թեմատիկան: «Արմենպրես»-ի փոխանցմամբ՝ այս մասին ասվում է Ռուսաստանի դիվանագիտական գերատեսչության հայտարարության մեջ։
«Քննարկվել են ԱՄՆ-ի հետ հարաբերությունների թեման և ուկրաինական ճգնաժամի շուրջ ստեղծված իրադրությունը», - հայտնել է Ռուսաստանի ԱԳՆ-ն:
Գերատեսչությունը հավելել է, որ «հանդիպման արդյունքներով կողմերն արձանագրել են երկու երկրների մոտեցումների համընկնումը կամ նմանությունը արծարծված հարցերի մեծ մասի վերաբերյալ»:
ՇՀԿ-ի նիստի շրջանակում Լավրովը նաև հանդիպել է իր իրանցի գործընկերոջ հետ։