2 րոպեի ընթերցում
Կոնֆերենցիաների լիգայի որակավորման երկրորդ փուլի առաջին խաղում Երևանի «Փյունիկ»-ն արտագնա խաղում մրցեց հունգարական «Դեբրեցեն»-ի հետ։
«Արմենպրես»-ի հաղորդմամբ` հանդիպման մեկնարկից տանտերերը փորձեցին վերահսկել գնդակը և դիրքային գրոհներով ճնշում գործադրել հայկական թիմի վրա, մինչդեռ «Փյունիկ»-ը հիմնականում խաղում էր կազմակերպված պաշտպանությամբ և փորձում էր արագ հակագրոհներ կազմակերպել։
Հունգարական ակումբը մի քանի անգամ վտանգավոր մոտեցավ Երևանի թիմի դարպասին, սակայն «Փյունիկ»-ի պաշտպաններն ու դարպասապահը վստահ գործեցին՝ կանխելով գոլային հնարավորությունները։
Իր հերթին հայկական թիմը նույնպես ունեցավ մի քանի խոստումնալից գրոհ, սակայն եզրափակիչ փոխանցումներում և հարվածների ժամանակ ճշգրտությունը չբավարարեց։
Առաջին կեսում խաղը հիմնականում ծավալվում էր կենտրոնական գոտում՝ բազմաթիվ կոշտ մենապայքարներով։ Թիմերը զգուշավոր էին գործում՝ խուսափելով կոպիտ սխալներից, ինչի արդյունքում մինչև ընդմիջում հաշիվը չբացվեց, և մրցակիցները հանդերձարան մեկնեցին 0:0 հաշվով։
Երկրորդ կեսում հյուրընկալող կողմը` «Դեբրեցեն»-ը, բացեց հանդիպման հաշիվը: Գոլի հեղինակ դարձավ Կիբլան: Երկրորդ կեսում «Փյունիկ»-ին այդպես էլ չհաջողվեց բեկել հանդիպման ընթացքը:
«Դեբրեցեն»- «Փյունիկ»` 1:0:
Պատասխան հանդիպումը կկայանա հուլիսի 30-ին: