1 րոպեի ընթերցում
Կրասնոդարում պահեստային համալիրի վրա ուկրաինական հարձակման ժամանակ վիրավորված երիտասարդ կինը մահացել է հիվանդանոցում։ «Արմենպրես»-ի փոխանցմամբ՝ այս մասին Telegram-ում հայտնել է Կրասնոդարի երկրամասի ղեկավար Վենիամին Կոնդրատևը։
Նա հավելել է, որ երեք վիրավոր դեռ քաղաքային բժշկական հաստատություններում են, իսկ վեցը ստացել են ամբուլատոր բուժում։ Պահեստային համալիրում բռնկված հրդեհը մարվել է։
Wildberries-ը հուլիսի 22-ի առավոտյան հայտնել է Կրասնոդարում և Ստավրոպոլի երկրամասի Նևինոմիսկ քաղաքում գտնվող իր լոգիստիկ կենտրոնների վրա հարձակման մասին։ 10 մարդ վիրավորվել էր Կրասնոդարում, ևս 5-ը՝ Նևինոմիսկում։
Հուլիսի 18-ի գիշերը ևս Տամբովի մարզի Կոտովսկում և Մոսկվայի մարզի Էլեկտրոստալում Wildberries-ի պահեստները ենթարկվել էին անօդաչու թռչող սարքերի հարձակման: Կոտովսկում զոհվել է յոթ մարդ, Էլեկտրոստալում՝ մեկ: