Պլովդիվի գյուղատնտեսական համալսարանի հանդեպ օտարերկրյա ուսանողների հետաքրքրությունն աճում է․ BTA

Հոդվածը հրապարակվում է «Արմենպրես»-ի և BTA-ի միջև ստորագրված համաձայնագրի շրջանակում։

Բուլղարիայի Պլովդիվի գյուղատնտեսական համալսարանը 2025/26 ուսումնական տարում ունեցել է 58 միջազգային ուսանող, այդ թվում՝ 18-ը՝ Եվրամիության երկրներից։ «Արմենպրես»-ի փոխանցմամբ՝ այս մասին  հաղորդում է Բուլղարիայի ազգային լրատվական գործակալությունը (BTA)։

Ուսանողները Եվրոպայի, Ասիայի և Հյուսիսային Ամերիկայի 10 երկրներից են և սովորում են համալսարանի կողմից առաջարկվող բոլոր հիմնական ոլորտներում, այդ թվում՝ բուսաբուծության, բույսերի պաշտպանության, ճարտարագիտության, տնտեսագիտության և զբոսաշրջության։

Վերջին տարիներին համալսարանն արձանագրել է օտարերկրյա ուսանողների ընդունելության կայուն աճ, որի հիմնական գործոններն են կրթության որակը և կառուցվածքը, ինչպես նաև մատչելի ուսման վարձը։