Հրդեհ Մայակովսկի բնակավայրում․ տուժածներ չկան

Կոտայքի մարզային օպերատիվ կառավարման կենտրոն հուլիսի 11-ին ժամը 04։34-ին ահազանգ է ստացվել, որ Մայակովսկի բնակավայրի առաջին փողոցի տներից մեկում հրդեհ է բռնկվել։

Դեպքի վայր են մեկնել հրշեջ-փրկարարական ջոկատներից երկու մարտական հաշվարկ:

«Արմենպրես»-ի փոխանցմամբ՝ Փրկարար ծառայությունից հայտնում են, որ տանիքի հատվածում բռնկված հրդեհը մեկուսացվել է ժամը 06։11-ին, մարվել՝ 06:20-ին։

Տուժածներ չկան։