Վրաստանում ընդդիմադիր գործիչը դատապարտվել է 13 տարվա ազատազրկման դատարանի շենքը հրկիզելու փորձի համար
1 րոպեի ընթերցում
Թբիլիսիի քաղաքային դատարանը «Ուժեղ Վրաստան-Լելո» կուսակցության առաջնորդներից մեկին՝ Ալեկո Էլիսաշվիլիին, դատապարտեց 13 տարվա ազատազրկման՝ 2025 թվականի նոյեմբերին Թբիլիսիի քաղաքային դատարանի գրասենյակը հրկիզելու փորձի համար։
«Արմենպրես»-ի հաղորդմամբ՝ այս մասին հայտնում է «Սպուտնիկ» գործակալության վրացական ծառայությունը։
Նշվում է, որ դատարանը Էլիսաշվիլիին մեղավոր է ճանաչել 2025 թվականի նոյեմբերի 29-ի լուսաբացին դիմակավորված, մուրճով կոտրելու, շենք մտնելու և տարածքը, այդ թվում՝ գրասենյակային պարագաները, սարքավորումները և փաստաթղթերը բենզինով ողողելու եղանակով հրկիզման փորձի համար։
Վրաստանի ներքին գործերի նախարարության տվյալներով՝ դատական կատարածուները փորձել են միջամտել, սակայն Էլիսաշվիլին դիմադրել է՝ օգտագործելով իր մոտ գտնվող հրազենը։
Այնուհետև Էլիսաշվիլին հրկիզել է դատարանի արխիվը, որտեղ պահվում էին հարյուրավոր քրեական, քաղաքացիական և վարչական գործեր։
Հետաքննությունը կարծում է, որ մեղադրյալի գործողությունները նպատակ ունեին անկայունացնել դատական համակարգը: Ավելին, դատարանի ենթակառուցվածքները, անհատական գործերը և այլ կարևոր նյութեր ոչնչացնելով՝ նա զգալի գույքային վնաս է պատճառել: