Եվրոպական խորհրդարանը կոչ է արել բացել Մոլդովայի հետ բոլոր բանակցային գլուխները. Moldpres

3 րոպեի ընթերցում

Հոդվածը հրապարակվում է «Արմենպրես»-ի և Moldpres-ի միջև ստորագրված համաձայնագրի շրջանակում։

Եվրոպական խորհրդարանը հուլիսի 8-ին քվեարկել է Մոլդովայի Հանրապետության վերաբերյալ տարեկան զեկույցի շուրջ, որը կոչ է անում անհապաղ անդամակցության բանակցություններ սկսել մնացած, դեռևս չբացված բանակցային գլուխների վերաբերյալ: «Արմենպրես»-ի փոխանցմամբ՝ այս մասին հաղորդում է մոլդովական Moldpres գործակալությունը։

Փաստաթուղթը հաստատվել է 505 կողմ, 115 դեմ և 45 ձեռնպահ ձայներով։

Եվրախորհրդարանի պատգամավոր Զիգֆրիդ Մուրեշանը նշել է, որ Եվրոպական խորհրդարանում քվեարկությունը ցույց է տալիս Մոլդովայի Հանրապետության եվրոպական ուղուն տրված լիակատար աջակցությունը։

«Մենք՝ Եվրոպական խորհրդարանը, համարում ենք, որ Մոլդովայի Հանրապետությունն անդամակցության գործընթացի առաջատարն է, և որ մենք պետք է պարգևատրենք այս առաջընթացն՝ արագացնելով բանակցային գործընթացը», - ընդգծել է պաշտոնյան։

Նրա խոսքով՝ զեկույցը «դատապարտել է Ռուսաստանի Դաշնության կողմից Մոլդովայի Հանրապետությունն ապակայունացնելու բազմակի փորձերը, այդ թվում՝ ժողովրդավարական ընտրությունների արդյունքների վրա ազդելու փորձերի միջոցով»։

Մուրեշանը  նաև նշել է, որ Եվրոպական խորհրդարանը կոչ է արել ավելացնել Եվրոպական միության կողմից Մոլդովային տրամադրվող ֆինանսական և տեխնիկական օգնությունը, որպեսզի երկիրը «կարողանա ավելի անվտանգ լինել, դիմակայել արտաքին սպառնալիքներին և շարունակել իր եվրոպական ուղին»։

Հուլիսի 7-ին Եվրոպական խորհրդարանում տեղի ունեցած քննարկումների ժամանակ ԵՄ ընդլայնման հարցերով եվրահանձնակատար Մարթա Կոսը կոչ է արել «հնարավորինս շուտ» բացել Մոլդովայի հետ բոլոր բանակցային գլուխները՝ ընդգծելով, որ հանրապետությունը տպավորիչ տեմպերով իրականացրել է բարեփոխումներ, և որ երկրին եվրոպական ուղով առաջ գնալու համար տրամադրված աջակցությունը ներդրում է ավելի ուժեղ, անվտանգ և ավելի միասնական Եվրոպայի մեջ։

Մոլդովայի Հանրապետությունը Եվրոպական միության հետ իր անդամակցության բանակցությունների առաջին փուլը՝ «Հիմնարար արժեքներ» 1-ին խումբը, մեկնարկել է 2026 թ. հունիսի 15-ին՝ Լյուքսեմբուրգում կայացած ԵՄ-Մոլդովա երկրորդ միջկառավարական համաժողովի ժամանակ։

Հայերեն English

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ

Ինչու են մայրամուտի և արևածագի ժամանակ ամպերը կարմիր կամ կարմրանարնջագույն երանգ ստանում․ մանրամասնում է Գագիկ Սուրենյանը

Հայաստանն ու Իրանը քննարկել են բարձր տեխնոլոգիաների ոլորտում համագործակցությունը զարգացնելու հեռանկարները

Հայաստանի ֆուտբոլի ֆեդերացիայի նախագահի պաշտոնի համար կպայքարեն Գևորգ Ղազարյանն ու Դենիս Ջորկաեֆը