Երիտասարդ դերասան Դավիթ Էլբակյանը Ֆրանսիայում բեմադրված «Լիր արքա» ներկայացման մեջ Էդմոնդի դերով գերել է թատերասերներին
1 րոպեի ընթերցում
Երիտասարդ դերասան Դավիթ Էլբակյանը, որը տենոր Ռուբեն Էլբակյանի որդին է, փայլուն մուտք է գործել փարիզյան պրոֆեսիոնալ թատերական աշխարհ՝ մարմնավորելով Էդմոնդի կերպարը Ուիլյամ Շեքսպիրի անմահ «Լիր արքա» ողբերգության բեմականացման մեջ։
«Արմենպրես»-ի հաղորդմամբ՝ թատերական հայտնություն դարձած Էլբակյանի բեմական ներկայությունը, դերասանական խաղի բնական նրբագեղությունն ու արվեստագետին բնորոշ ազնվական կեցվածքն անմիջապես գերել են հանդիսատեսին։
Նրա մասին առանձնահատուկ գնահատանքով է խոսել նաև բեմադրիչ Ֆրանսուա-Քսավիե Բուշերակը.
«Նա յուրաքանչյուր բեմադրիչի երազած դերասանն է։ Ես հիանում եմ նրա ներքին ուժով, զգայունությամբ և աշխատանքի հանդեպ բացառիկ նվիրումով»։
Դավիթ Էլբակյանը կրթություն է ստացել Փարիզի հեղինակավոր Cours Cochet-Delavene թատերական դպրոցում, որի շրջանավարտներից են ֆրանսիական թատրոնի և կինոյի այնպիսի մեծանուն արվեստագետներ, ինչպիսիք են Ժերար Դեպարդիեն, Ֆաբրիս Լյուկինին և Կարոլ Բուկեն։