368.26
Լատվիան լրացուցիչ ՀՕՊ միջոցներ կտեղակայի Ռուսաստանի և Բելառուսի հետ սահմանին
1 րոպեի ընթերցում
Առաջիկայում Ռուսաստանի և Բելառուսի հետ Լատվիայի սահմանին կտեղակայվեն լրացուցիչ հակաօդային պաշտպանության միջոցներ: «Արմենպրես»-ի փոխանցմամբ՝ այս մասին լրագրողներին հայտնել է հանրապետության պաշտպանության նախարար Ռայվիս Մելնիսը։
«Լուծումների որոնում է կատարվում արևելյան սահմանը լրացուցիչ ռադարներով ու կալանման համակարգերով ապահովելու համար։ Մենք չենք կարող 100 տոկոսով բացառել որևէ անօդաչու թռչող սարքի ներթափանցման հնարավորությունը։ Սակայն մենք կաշխատենք կատարելագործել հակաօդային պաշտպանության համակարգերը` երկինքն անվտանգ պահելու համար», - Մելնիսի խոսքերն է մեջբերում LSM լրատվական հարթակը։
«Արդեն գտել են լուծումներ, որոնք առաջիկայում թույլ կտան լրացուցիչ ՀՕՊ համակարգեր տեղակայել», - հավելել է նա։
Ռուս-ուկրաինական հակամարտության վերջին ամիսների ընթացքում Լատվիայում Ռուսաստանի տարածքից անօդաչու թռչող սարքերի ներթափանցման դեպքեր են արձանագրվել։ Ըստ երկրի իշխանությունների՝ դրանցից մեծ մասն ուկրաինական ԱԹՍ-ներ են, որոնք արձակվել են Ռուսաստանում թիրախների ուղղությամբ։
Բաժանորդագրվեք մեր ալիքին Telegram-ում