1 րոպեի ընթերցում
Թուրքիայի ազգային մեծ ժողովի նախագահ Նուման Քուրթուլմուշը հայտարարել է, որ Անկարան գոհունակությամբ է ընդունել Շվեյցարիայում ԱՄՆ-ի և Իրանի ներկայացուցիչների միջև կայացած բանակցությունների արդյունքները։
Ինչպես հաղորդում է «Արմենպրես»-ը, թուրքական «Անադոլու» լրատվական գործակալության փոխանցմամբ՝ Քուրթուլմուշն այդ մասին ասել է Բաքվում անցկացվող Իսլամական համագործակցության կազմակերպության անդամ պետությունների խորհրդարանական միության 20-րդ նստաշրջանում։
«Հուսով ենք, որ ձեռք բերված պայմանավորվածությունները կպահպանվեն, բանակցային գործընթացը կշարունակի զարգանալ կառուցողական հունով, իսկ Իրանին պարտադրված պատերազմը՝ թե՛ Միացյալ Նահանգների, թե՛ Իսրայելի կողմից վերջնականապես կավարտվի և իր տեղը կզիջի իրական խաղաղությանը»,- հայտարարել է Թուրքիայի խորհրդարանի նախագահը։
Քուրթուլմուշը միաժամանակ ընդգծել է, որ անհրաժեշտ է առավելագույն զգոնություն ցուցաբերել՝ գործընթացի դեմ հնարավոր սադրանքները կանխելու համար։
Նրա խոսքով՝ հատկապես պետք է ուշադրություն դարձնել այն քայլերին, որոնք կարող են խոչընդոտել ձեռք բերված առաջընթացը, այդ թվում՝ Իսրայելի և այլ ուժերի կողմից։