1 րոպեի ընթերցում
ՀՀ կառավարության կողմից 2026 թվականին իրականացվող սուբվենցիոն ծրագրերի շրջանակներում հիմնանորոգվում է Գեղարքունիքի մարզի Վարդենիս քաղաքի Իսակով փողոցը։
Ինչպես «Արմենպրես»-ին տեղեկացրին Վարդենիսի համայնքապետարանի աշխատակազմից, քաղաքի Իսակով փողոցի հիմնանորոգման ծրագրի պայմանագրային արժեքը կազմում է 164 միլիոն 220 հազար դրամ, որի 45 տոկոսը հատկացնում է ՀՀ կառավարությունը, 55 տոկոսը՝ Վարդենիսի համայնքապետարանը։
Ծրագրով նախատեսվում է ճանապարհի երթևեկելի մասի ասֆալտապատում և մայթերի կառուցում 1435 գծամետր երկարությամբ, ջրահեռացման համակարգի տեղադրում, ոռոգման համակարգի վերանորոգում, գծանշում և կահավորում։
«Իսակով փողոցի հիմնանորոգումը կարևոր նշանակություն ունի քաղաքի ենթակառուցվածքների բարելավման, երթևեկության անվտանգության բարձրացման և բնակիչների համար առավել հարմարավետ միջավայր ստեղծելու տեսանկյունից»,-ներկայացրին Վարդենիսի համայնքապետարանի աշխատակազմից։