Պեմզաշենի վաղմիջնադարյան համալիրի պեղումներն ուշագրավ արդյունքներ են տալիս

Հայ-ֆրանսիական հնագիտական արշավախումբը՝ (Հնագիտության և ազգագրության ինստիտուտ՝ Արման Նալբանդյան, Լիոն 2 համալսարան՝ Anne Flammin, Anne Baud), մեկնարկել է Պեմզաշենի վաղմիջնադարյան համալիրի պեղումները։

«Արմենպրես»-ին Հնագիտության և ազգագրության ինստիտուտից տեղեկացրին, որ աշխատանքներն իրականացվում են ANR FACE (From the Achaemenid to Christian Era) ծրագրի շրջանակներում, որի նպատակն է ստուգողական խուզահորերի միջոցով բացահայտել համալիրի տարբեր ժամանակաշրջաններում կառուցված շինությունների փոխկապակցվածությունը և հստակեցնել դրանց շինարարական հորիզոնները։

«Պեղումներին մասնակցում են ուսանողներ Հայաստանից և Ֆրանսիայից։ Աշխատանքներն արդեն իսկ տալիս են ուշագրավ արդյունքներ։ Միաժամանակ ուսումնասիրվում և չափագրվում են բազմաթիվ ճարտարապետական դետալներ ու կոթողների առանձին մասեր։ Իրականացվում են նաև կառույցների լազերային և տոպոգրաֆիկ չափագրումներ և ինչպես նաև լուսանկարահանումներ»,-տեղեկացրին ինստիտուտից։