368.15
ԱՄՆ-ի հետ առաջիկա օրերին կայանալիք հանդիպման նախապատրաստական աշխատանքներ են տարվում. Իրանի ԱԳՆ
1 րոպեի ընթերցում
Շվեյցարիայում կայանալիք հանդիպումը, որը նախատեսված էր ԱՄՆ-ի և Իրանի միջև վերջնական համաձայնագրի նախապատրաստման բանակցությունների հաջորդ փուլի շրջանակներում, հետաձգվել է։ Ինչպես հաղորդում է «Արմենպրես»-ը՝ այս մասին տեղեկացնում է APA-ի Թեհրանի բյուրոն։
Վերջինիս հաղորդմամբ՝ Իրանի արտաքին գործերի նախարարության խոսնակ Իսմայիլ Բաղային լրագրողներին հայտնել է, որ միջնորդների միջոցով ընթանում են բանակցությունների հաջորդ փուլի վերաբերյալ անհրաժեշտ խորհրդակցությունները։
Իրանի արտաքին գործերի նախարարության խոսնակը հայտարարել է, որ Շվեյցարիայում հանդիպման հիմնական նպատակներից մեկը, որը հետագայում չեղարկվեց, պատերազմի ավարտի մասին հուշագրի ստորագրումն էր։ Ավելին, ստորագրման արարողությունը նախատեսված էր վերջնական համաձայնագրի շուրջ բանակցությունների հետ կապված կազմակերպչական հարցերի քննարկման համար։
Նրա խոսքով՝ ներկայումս նախապատրաստական աշխատանքներ են տարվում առաջիկա օրերին նոր հանդիպման համար։
Բաժանորդագրվեք մեր ալիքին Telegram-ում