1 րոպեի ընթերցում
Եվրոպական հանձնաժողովի նախագահ Ուրսուլա ֆոն դեր Լայենը ցանկանում է սահմանափակել Ուկրաինայից փախստականների ընդունումը Եվրամիության երկրներ: «Արմենպրես»-ի փոխանցմամբ՝ այս մասին հաղորդել է DPA գործակալությունը՝ վկայակոչելով նամակը, որը պաշտոնյան հղել է Եվրոպայի երկրների ղեկավարներին ԵՄ գագաթնաժողովից առաջ, որը բացվում է հունիսի 18-ին ավելի ուշ:
Ըստ գործակալության տեղեկատվության՝ ֆոն դեր Լայենը մտադիր է փոփոխել Ուկրաինայի քաղաքացիների ընդունման պարզեցված կանոնները, բայց միևնույն ժամանակ առաջարկում է երկարաձգել Ուկրաինայից փախստականների ժամանակավոր պաշտպանությունը:
Այլ մանրամասներ չեն հաղորդվում, բայց նշվում է, որ կանոնակարգի կիրառման ոլորտը, ենթադրաբար, պետք է փոփոխվի այնպես, որ չխաթարի Ուկրաինայի պաշտպանունակությունը:
Բացառված չէ, որ փոխվեն զորակոչային տարիքի տղամարդկանց ընդունման կանոնները: Ավելի վաղ Գերմանիան և ԵՄ այլ երկրներ կողմ են արտահայտվել այն բանին, որ բարդացվի Ուկրաինայի այդ կատեգորիայի քաղաքացիների ընդունումը: