Լիբանանը հայտնել է իսրայելական հարվածներից 58 նոր զոհի մասին

2 րոպեի ընթերցում

Իսրայելի ռազմաօդային ուժերի ինքնաթիռները շարունակում են ռմբակոծել Լիբանանի հարավային շրջանները․ վերջին 24 ժամվա ընթացքում իսրայելական հարձակումների հետևանքով զոհվել է 58 մարդ։ «Արմենպրես»-ի փոխանցմամբ՝ այս մասին հաղորդում է Լիբանանի ազգային լրատվական գործակալությունը (NNA):

«Մարտի 2-ից մինչև հունիսի 17-ն ընկած ժամանակահատվածում զոհերի ընդհանուր թիվը հասել է 3884-ի, վիրավորներինը՝ 11856-ի», - նշված է Լիբանանի առողջապահության նախարարության հունիսի 18-ի հայտարարության մեջ։

Իսրայելական ինքնաթիռներն ու հրետանին ներկայում իրենց հարվածները կենտրոնացնում են Նաբատիե քաղաքի և նրա շրջակայքի, ինչպես նաև Իկլիմ աթ-Թուֆֆահ շրջանի վրա, որտեղ գործում են «Հեզբոլլահ»-ի աշխարհազորայինները։ Փրկարարական խմբերը շարունակում են մաքրել ավերակները մի քանի շրջանում, զոհերի թիվը կարող է աճել։

Al Jazeera-ի փոխանցմամբ՝ իսրայելական բանակը հայտնել է, որ 29-ամյա զինվոր է զոհվել հունիսի 17-ին Լիբանանի հարավում «մարտական ​​գործողությունների ժամանակ»։

Նշվում է, որ նույն հարձակման ժամանակ ևս երեք զինվոր ստացել են միջին ծանրության վիրավորումներ և տարհանվել են բժշկական օգնություն ստանալու համար, ևս չորսը թեթև վիրավորումներ են ստացել։

Լիբանանը ներքաշվել է Մերձավոր Արևելքի հակամարտության մեջ այն բանից հետո, երբ «Հեզբոլլահ»-ն, ի պատասխան Իրանի դեմ ամերիկա-իսրայելական հարվածների, մարտի 2-ից հարձակումներ էր սկսել Իսրայելի դեմ։

Չնայած ԱՄՆ նախագահ Դոնալդ Թրամփի կողմից ապրիլի 16-ի կեսգիշերին հայտարարված հրադադարին՝ Իսրայելի և «Հեզբոլլահ»-ի միջև բախումները շարունակվում են։

Հայերեն Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն