1 րոպեի ընթերցում
«Մերիդիան» էքսպոկենտրոնում կտեղակայվի CBD COP17 համաժողովի Կապույտ գոտին (Blue Zone)՝ համաժողովի պաշտոնական տարածքը, որը գործելու է ՄԱԿ-ի Կենսաբազմազանության մասին կոնվենցիայի քարտուղարության հովանու ներքո։
«Արմենպրես»-ի հաղորդմամբ՝ այս մասին հայտնում են ՀՀ շրջակա միջավայրի նախարարությունից՝ նշելով, որ այստեղ կանցկացվեն միջկառավարական բանակցությունները, բարձր մակարդակի նիստերը, պաշտոնական միջոցառումները և պատվիրակությունների աշխատանքային հանդիպումները։
Այս պահին էքսպոկենտրոնում ակտիվ փուլում են COP17-ի նախապատրաստական աշխատանքները։ Ընթանում են շինարարական, վերակառուցման և բարեկարգման լայնածավալ աշխատանքներ՝ ենթակառուցվածքները միջազգային չափանիշներին համապատասխանեցնելու և համաժողովի բարձր մակարդակով կազմակերպումն ապահովելու նպատակով։