1 րոպեի ընթերցում
Հայաստանի կառավարությունը պլանավորում է առաջիկայում դատական համակարգը համալրել նոր դատավորներով։
«Արմենպրես»-ի փոխանցմամբ՝ ՀՀ արդարադատության նախարարությանը կից հասարակական խորհրդի նիստի ժամանակ այդ մասին ասել է ՀՀ արդարադատության նախարար Սրբուհի Գալյանը։
«Համակարգում դատավորների պակաս կա, և մենք վարչապետի աշխատակազմ առաջարկ ենք ուղարկել դատավորների քանակի ավելացման, նաև բարձրագույն դատական խորհրդի հետ քննարկել ենք, թե որ օղակներն են ավելի թույլ և կարիք ունեն համալրման»,-հավելեց նախարարը:
Նախարարը նաև ասել է, որ առաջիկայում նախատեսվում է մեկ դատարանի շենք ունենալ, որը համահունչ կլինի եվրոպական լավագույն ստանդարտներին և ապահովված կլինի տեխնիկական բոլոր միջոցներով, օրինակ, դատական նիստերի արձանագրության խելացի համակարգերով, ինչը կարագացնի դատարանի կազմի աշխատանքը։