368.18
Քաղաքացիներն «UAZ»-ով անցել են գետը և չեն կարողացել հետ վերադառնալ. օգնության են հասել փրկարարները
1 րոպեի ընթերցում
Վայոց ձորի մարզային օպերատիվ կառավարման կենտրոնը հունիսի 12-ին, ժամը 18։04-ին ահազանգ է ստացել, որ «Դզեր» կոչվող տարածքում չորս քաղաքացի անցել են գետի մյուս կողմ և չեն կարողանում հետ վերադառնալ. անհրաժեշտ է փրկարարների օգնությունը։
«Արմենպրես»-ի հաղորդմամբ՝ այս մասին հայտնում են Ներքին գործերի նախարարության փրկարար ծառայությունից։
Նշվում է, որ դեպքի վայր են մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատի օպերատիվ խումբը և մեկ մարտական հաշվարկ։
Պարզվել է, որ Վարդահովիտ բնակավայրի «Դզեր» կոչվող տարածքում քաղաքացիները «UAZ» մակնիշի ավտոմեքենայով անցել են գետը և չեն կարողանում հետ վերադառնալ:
«Փրկարարների օգնությամբ քաղաքացիները անվտանգ անցնել են գետի մյուս կողմ»,-ասված է Փրկարար ծառայության տարածած հաղորդագրության մեջ:
Բաժանորդագրվեք մեր ալիքին Telegram-ում