1 րոպեի ընթերցում
Ամերիկյան ռազմաօդային ուժերը Ժնև են տեղափոխում սարքավորումներ, որոնք անհրաժեշտ կլինեն, եթե ԱՄՆ փոխնախագահ Ջեյ Դի Վենսն այնտեղ այցելի Իրանի հետ փոխըմբռնման հուշագիր ստորագրելու համար։ «Արմենպրես»-ի փոխանցմամբ՝ այս մասին հայտնել է Axios-ի թղթակից Բարաք Ռավիդը՝ հղում անելով տեղեկացված աղբյուրի։
«Միջնորդ երկրներից մեկի դիվանագետը, որը ինձ հետ քննարկել է թարմացված նախագծի կետերը, ասաց, որ «ԱՄՆ-ն և Իրանը համաձայնության են եկել համաձայնագրի տեքստի շուրջ», բայց ընդունել է, որ դեռ հարկավոր է վերջնական հաստատում», - գրել է նա X-ում հունիսի 12-ի առավոտյան։
«Այնուամենայնիվ, ԱՄՆ ռազմաօդային ուժերի ինքնաթիռները նախորդ երեկոյան ուղևորվել են Եվրոպա՝ այնտեղ սարքավորումներ հասցնելու համար, եթե փոխնախագահ Վենսն առաջիկա օրերին ժամանի Ժնև՝ մասնակցելու ստորագրման արարողությանը», - հավելել է նա։