Աշխարհի տարբեր երկրներ դատապարտել են Իսրայելի գործողությունների ընդլայնումը Լիբանանում

2 րոպեի ընթերցում

Աշխարհի տարբեր երկրներ դատապարտել են Իսրայելի կողմից Լիբանանում ռազմական գործողությունների ընդլայնումը։ «Արմենպրես»-ի փոխանցմամբ՝ այս մասին հայտնում է The Guardian-ը։

Մասնավորապես, Ֆրանսիայի նախագահ Էմանուել Մակրոնը կոչ է արել դադարեցնել մարտերը՝ նշելով, որ «ոչինչ չի արդարացնում Լիբանանի հարավում տեղի ունեցող մեծ էսկալացիան»։ Ֆրանսիայի արտաքին գործերի նախարար Ժան-Նոել Բարոն այս առիթով խնդրել է հունիսի 1-ին ՄԱԿ-ի անվտանգության խորհրդի նիստ գումարել։

Մեծ Բրիտանիայի և Գերմանիայի արտաքին գործերի նախարարները միացել են Ֆրանսիային՝ դատապարտելով Իսրայելի գործողությունները: Մեծ Բրիտանիայի արտաքին գործերի նախարար Իվետ Քուփերը կոչ է արել հարգել Իսրայելի և «Հեզբոլլահ»-ի միջև ապրիլից ի վեր կնքված հրադադարը:

Al Jazeera-ի փոխանցմամբ՝ Կատարն իր հերթին դատապարտել է Իսրայելի կողմից Լիբանանի վրա շարունակվող հարձակումները և հարավում ցամաքային հարձակման ընդլայնումը՝ այդ արշավը որակելով որպես լուրջ սրացում և միջազգային իրավունքի խախտում։

Եգիպտոսի արտաքին գործերի նախարար Բադր Աբդ ալ-Ատտին Լիբանանի վարչապետ Նավաֆ Սալամի հետ հեռախոսազրույցում հաստատել է Կահիրեի համերաշխությունը Լիբանանի հետ։ Նա նաև կոչ է արել Իսրայելին ամբողջովին դուրս բերել իր ուժերը Լիբանանի տարածքներից։

Ավելի վաղ իսրայելական ուժերը հսկողություն են հաստատել Լիբանանի 900-ամյա Բոֆորի (Կալաա աշ-Շակիֆ) ամրոցի վրա, որը կառուցվել է խաչակիրների կողմից։ Նեթանյահուն ամրոցի գրավումն անվանել է «դրամատիկ տեղաշարժ» «Հեզբոլլահ»-ի դեմ պայքարում:

Իսրայելի պաշտպանության նախարար Իսրայել Կացը հայտարարել է, որ զինվորները Բոֆորը կպահպանեն որպես հարավային Լիբանանում Իսրայելի անվտանգության գոտու մաս։

Հայերեն Русский

Արարատ Միրզոյանը կարևորել է գործընկերների հետ համագործակցությունը հիբրիդային սպառնալիքներին դիմակայելու հարցում

38 երկրի միջուկային անվտանգության կարգավորիչները զգուշացրել են Ուկրաինայում միջուկային վթարի աճող վտանգի մասին

Բուլղարիայում ԱՄՆ դեսպանատունը Եվրոպայում գտնվող ամերիկացիներին զգոնության կոչ է արել տոներին ընդառաջ

ՌԴ-ում պահնորդները պատահմամբ կանչել են Ռոսգվարդիային և հայտնվել ոստիկանությունում․ նրանց մոտ թմրանյութ է հայտնաբերվել

Դավիթ Թադևոսյանը MITRE-ում քննարկել է Հայաստանի պաշտպանական նորարարությունների զարգացման հնարավորությունները

Հունգարիան դիտարկվում է հայկական բիզնեսների համար Եվրոպա տանող դարպաս․ «Հայ-հունգարական գործարար խորհուրդ»-ը սկսեց աշխատանքները

Տարածաշրջանային հաղորդակցությունների վերագործարկումը կարող է տնտեսական օգուտներ ապահովել բոլոր երկրների համար․ Միրզոյան

Թրամփի գնահատմամբ՝ Պուտինը փոքր-ինչ մեղմացնում է դիրքորոշումն Ուկրաինայի հարցում

Դավիթ Խուդաթյանն աշխատանքային այցով Իրանում է

Մահացել է մեքսիկական «Գվադալահարա» թմրակարտելի հիմնադիր Ֆելիքս Գալյարդոն