ՀՀ ԶՈՒ ավիացիան զորահանդեսի կազմակերպչական աշխատանքների շրջանակում թռիչք կկատարի Երևանի կենտրոնում
1 րոպեի ընթերցում
Մայիսի 28-ին անցկացվելիք զորահանդեսի կազմակերպչական աշխատանքների շրջանակում մայիսի 25-ին, ժամը 10:00-11:00-ն ընկած ժամանակահատվածում Հայաստանի զինված ուժերի ավիացիան Երևանի կենտրոնում կատարելու է թռիչք:
«Արմենպրես»-ի փոխանցմամբ՝ այս մասին հաղորդագրություն է տարածել ՀՀ պաշտպանության նախարարությունը։
Մայիսի 28-ին՝ Հանրապետությանը օրը, ժամը 10։00-ին Երևանի Հանրապետության հրապարակում կանցկացվի զորահանդես, որի ժամանակ ցուցադրվելու է վերջին 4 տարիների ընթացքում ՀՀ զինված ուժերի ձեռք բերած սպառազինությունը։