1 րոպեի ընթերցում
Ուգանդան հաստատել է էբոլա վիրուսի ևս երեք դեպք՝ նշելով, որ երկրում վարակվածների ընդհանուր թիվը հասել է հինգի։
Ինչպես հաղորդում է «Արմենպրես»-ը, այդ մասին հայտնել է Ուգանդայի առողջապահության նախարարությունը։
Վիրուսը հայտնաբերվել է երկու անձի մոտ, որոնք շփվել են վարակված վարորդի և առողջապահության ոլորտի աշխատողի հետ։ Մեկ այլ դեպք հայտնաբերվել է Կոնգոյի Դեմոկրատական Հանրապետության քաղաքացու մոտ, որը գտնվել է Ուգանդայում։
Նախարարությունը հայտարարել է, որ նույնականացրել է վարակված անձանց հետ շփված բոլոր անձանց և ձեռնարկում է անհրաժեշտ միջոցները։
Նաև կոչ է արել մարդկանց դիմել բժշկական օգնության, եթե ախտանիշներ են ի հայտ գալիս՝ հիշեցնելով, որ վաղ բուժումը զգալիորեն մեծացնում է ապաքինման հնարավորությունները։