Վերջին զանգի միջոցառումներով պայմանավորված՝ ոստիկանությունը ուժեղացված ծառայություն կիրականացնի
1 րոպեի ընթերցում
ՀՀ ներքին գործերի նախարարության ոստիկանությունը հանրապետության ողջ տարածքում մայիսի 22-ից 23-ն իրականացնելու է ուժեղացված ծառայություն՝ «Վերջին զանգի» միջոցառումների անվտանգությունն ապահովելու նպատակով։
«Արմենպրես»-ի հաղորդմամբ՝ ինչպես տեղեկացնում են Ներքին գործերի նախարարությունից, ոստիկանության կարգախմբերը կլինեն ուսումնական հաստատությունների և ավարտական միջոցառումների տարածքներում՝ պահպանելով հասարակական կարգ և անվտանգություն։
Գերատեսչությունից ընդգծել են, որ ոստիկանության ծառայողներն արագ արձագանքելու և խստորեն հակազդելու են ցանկացած իրավախախտման։
Առանձնահատուկ ուշադրություն է դարձվելու ոչ սթափ վիճակում մեքենա վարելու և տրանսպորտային միջոցը անչափահասներին վստահելու դեպքերին։
Ոստիկանությունը միջոցառումների մասնակիցներին հորդորում է դրսևորել բարձր իրավագիտակցություն և իրավահարգ վարք։