1 րոպեի ընթերցում
Գերմանացի ամուսնական զույգ է ձերբակալվել՝ Չինաստանի համար հետախուզական տվյալներ ստանալու նպատակով գերմանացի գիտնականների հետ կապեր հաստատելու կասկածանքով։ Ինչպես «Արմենպրես»-ը տեղեկանում է Reuters-ից, այս մասին մայիսի 20-ին հայտարարել են դաշնային դատախազները։
Զույգը մեղադրվում է գերմանական համալսարանների և հետազոտական հաստատությունների գիտնականների, այդ թվում՝ ավիատիեզերական ճարտարագիտության, համակարգչային գիտության և արհեստական բանականության պրոֆեսորների հետ կապեր հաստատելու մեջ՝ հետագայում ստացած տեղեկությունը Չինաստանին փոխանցելու նպատակով։
Նրանք մեղադրվում են նաև երբեմն որպես ավտոարտադրողի թարգմանիչներ կամ աշխատակիցներ ներկայանալու մեջ։