Հարավային Կորեայի կողմից շահագործվող և նավթ տեղափոխող նավն անցնում է Հորմուզի նեղուցով
1 րոպեի ընթերցում
Հարավային Կորեայի արտաքին գործերի նախարար Չո Հյունը հայտնել է, որ հարավկորեական կողմից շահագործվող՝ երկու միլիոն բարել հում նավթ տեղափոխող նավը, Իրանի իշխանությունների հետ համակարգված, անցնում է Հորմուզի նեղուցով։ «Արմենպրես»-ի փոխանցմամբ, այս մասին հայտնում է Yonhap լրատվական գործակալությունը։
«Իրանի իշխանությունների հետ խորհրդակցություններն ավարտվել են, և նավը երեկ սկսել է նավարկել։ Այն շատ զգուշորեն է անցնում նեղուցով», - ասել է Չոն Սեուլում քաղաքական գործիչների հետ հանդիպմանը։
ԱԳ նախարարն ընդգծել է, որ սա Հարավային Կորեայի կողմից կառավարվող առաջին նավն է, որն անցել է նեղուցով Իրանի դեմ ԱՄՆ-ի և Իսրայելի սկսած պատերազմից ի վեր։