1 րոպեի ընթերցում
Միացյալ Նահանգների նախագահ Դոնալդ Թրամփի՝ Պեկին կատարած պետական այցից հետո Չինաստանը հայտարարել է 200 Boeing ինքնաթիռ գնելու մտադրության մասին։ Ինչպես հաղորդում է «Արմենպրես»-ը, հայտարարությունը մայիսի 20-ին տարածել է Չինաստանի Առևտրի նախարարությունը՝ տեղեկացնելով նաև, որ երկիրը կհամագործակցի ԱՄՆ-ի հետ՝ մաքսատուրքերը նվազեցնելու նպատակով։
Այս հայտարարությամբ, փաստացի, վերջ կտրվի Չինաստանին Boeing ինքնաթիռների գրեթե տասը տարվա վաճառքի գործնական սառեցմանը։
Նախարարությունը հայտնել է, որ ԱՄՆ-ն և Չինաստանը բանակցություններ են վարում առևտրային զինադադարի ժամկետը, որը լրանում է նոյեմբերին, երկարաձգելու շուրջ։ Երկու երկրները կքննարկեն նաև շուրջ 30 միլիարդ ԱՄՆ դոլարի ապրանքների մասքատուրքերը փոխադարձ նվազեցնելու հարցը։
Չինական կողմից տեղեկացրել են, որ կհամագործակցի ԱՄՆ-ի հետ՝ գյուղատնտեսական արտադրանքի երկկողմ առևտուրը ընդլայնելու և համաշխարհային մատակարարման շղթաներում հազվագյուտ մետաղների մատակարարման կայունությունն ապահովելու համար՝ առանց այլ մանրամասներ ներկայացնելու։